Zongenzodi
Betsy Dentzer & Luisa Bevilacqua
Deze inhoud is helaas niet in het Nederlands beschikbaar.Zongenzodi
Betsy Dentzer & Luisa Bevilacqua
En Erzielstéck fir Kanner vu 4 Joer un
Den Här Pierre schafft am Wierderbüro. All Dag um Punkt 8 Auer liest hien duerch säi Radiosmikro d’Wuert vum Dag vir. Hien erkläert genee wat all Wuert heescht a wéi eng Sätz een domat ka maachen.
Jidderee lauschtert dem Här Pierre seng Radiossendung, fir ze léieren, uerdentlech ze schwätzen. Et gi keng Dommheete mat deene Wierder gemaach! Et gëtt och net getuddelt an einfach esou drop lass gebraddelt! Alles huet seng Uerdnung: Véiereckeg – praktesch – gutt!
Ma enges Daags daucht d’Zoé am Här Pierre sengem uerdentleche Liewen op...an op eemol geréit alles duercherneen !
ZongenZodi ass en Erzielstéck voller Freed un der Sprooch an um Spill mat Buschtawen a Wierder. Et erzielt eng beréierend Geschicht, déi zum Nodenke bréngt, ma och d’Laachmuskelen net vergësst.
Vun a mam Luisa Bevilacqua, Betsy Dentzer | Szenografie a Kostümer - Peggy Wurth | Luuchten - Domenic Koehler (Escher Theater) | Bléck vu baussen - Ela Baumann, Jean Bermes, Claire Parsons
Eng Produktioun vum Escher Theater an Erzielkonscht a.s.b.l.
Saal: Atrium
Dauer: 45 Min. ouni Paus